“ChatGPT” asosida ishlaydigan katta “GPT-4o” til modeli navbatdagi yangilanishni oldi. Bu haqda “4PDA” nashri xabar berdi.
Yangilanish neyron tarmog‘iga ijodiy yozish ko‘nikmalarini yaxshilash imkonini berdi. “OpenAI” vakillari bu chat-bot foydalanuvchilariga qanday yordam berishini aytishdi.
Kompaniyaning tushuntirishicha, endi matnlar yanada tabiiy va qiziqarli bo‘ladi, shu bilan birga ularning aloqadorligi va o‘qilishi yaxshilanadi.
Bundan tashqari, sun’iy intellekt modeli yuklab olinadigan fayllar bilan yaxshiroq ishlay boshladi, ular bilan ishlashda batafsilroq javoblarni taqdim etdi.
“GPT-4o” modeli 2024-yil may oyida taqdim etilgan va ishlab chiquvchilarning ta’kidlashicha, oldingi versiyalarga qaraganda ancha samarali va funksional bo‘lib chiqdi.
Uning funksiyalari faqat pulli obuna orqali mavjud, garchi soddalashtirilgan “GPT-4o-mini” modeliga o‘tish bilan bir nechta so‘rovlar uchun demo versiya mavjud.
“OpenAI” o‘z brauzerini yaratish imkoniyatini ko‘rib chiqayotgani haqida xabar berilgandi.
Qayd etilishicha, u “ChatGPT” chat-botini qo‘llab-quvvatlashi mumkin bo‘lgan veb-brauzer bo‘lishi mumkin.
Avvalroq “Spot” internetga kirish imkoniga ega “ChatGPT” search chat-boti taqdim etilgani haqida yozgandi.
Endi ChatGPT nafaqat o‘z ma’lumotlar bazasidan, balki tarmoqdan eng dolzarb ma’lumotlarni qidirishni biladi.
