“Uzbekistan Airways” aviakompaniyasi Konstitutsiya kuni munosabati bilan chegirma e’lon qildi. Bu haqda aviakompaniya matbuot xizmati xabar berdi.
Undan “Uzbekistan Airways"ning barcha yo‘nalishlaridagi parvozlarga foydalanish mumkin. Aksiya faqat bir kun — 8-dekabr uchun amal qilib, aviachiptalarga 20%gacha chegirma qo‘llaniladi.
Yo‘lovchi tashish tariflariga qo‘shimcha ravishda turli soliqlar, yig‘imlar va to‘lovlar ham o‘rnatiladi. Ularga 20%gacha taqdim etiladigan chegirma amal qilmaydi.
Chegirmali aviachiptalarni kompaniya sayti, O‘zbekiston va xorijda joylashgan “Uzbekistan Airways Sales” filiali orqali xarid qilish mumkin.
Avvalroq 15-dekabrdan Toshkentdan Samarqandga qo‘shimcha Afrosiyob poyezdi yo‘lga qo‘yilishi haqida xabar berilgandi. Qatnovlar 15−31 dekabr hamda 3−12 yanvar kunlari oralig‘ida haftaning juma, shanba va yakshanba kunlari amalga oshiriladi.
