“iPhone 17” “Google Pixel” smartfoni kabi gorizontal kamera blokiga ega bo‘lishi mumkin.
Xitoyning “Weibo” ijtimoiy tarmog‘ida bo‘lajak “iPhone 17” ramkasining fotosurati namoyish etildi.
Rasmni “Schrodinger's British Shorthair” taxallusi bilan yozadigan va o‘zini “Apple” ta’minot zanjiridagi aloqalar bilan ishonchli manba sifatida ko‘rsatadigan insayder e’lon qildi.
Bir vaqtning o‘zida bir nechta taniqli insayderlar ma’lumotni e’lon qilishdi. Ehtimol, kelgusi yilda ko‘plab Android smartfonlari ham yangi dizaynni qo‘llashi mumkin.
Korpus fotosuratida o‘ng tomonda yoqish tugmasi va SIM-karta uchun joy yoki ehtimol “Camera Control” tugmalari uchun o‘yiqlar ko‘rinib turibdi.
Chap tomonda esa ovoz balandligini boshqarish tugmalari va “Action Button” uchun odatiy o‘yiqlar joylashgan.
Kamera uchun mo‘ljallangan gorizontal o‘yma deyarli korpusning chetlarigacha yetib boradi va orqa tomondan ozgina bo‘rtib chiqadi.
Bu esa “Google"ning hozirgi “Pixel 9” seriyasida qo‘llaniladigan kamera orolchasining tuzilishiga juda o‘xshash konstruksiyani nazarda tutadi.
Avvalroq “Spot” “Apple” ulkan yig‘ma iPadni ishlab chiqayotgani haqida yozgandi.
Qayd etilishicha, qurilmaning diagonali 20 dyuym atrofida bo‘lib, yaxlit shisha bo‘lagiga o‘xshaydi.
