Toshkent shahri va viloyatidagi AYQShlarda avtobenzin davlat standart talablariga mos kelmaslik holatlari aniqlandi. Bu haqda “O‘zenergoinspeksiya” matbuot xizmati xabar berdi.
“O‘zenergoinspeksiya” aholini sifatli neft mahsulotlari bilan uzluksiz ta’minlash chora-tadbirlari yuzasidan o‘tkazilgan nazorat tadbirlarida AYQSHlarda qoidabuzarlik holatlari aniqlanmoqda.
Xususan, Toshkent shahri Bektemir tumanida joylashgan “X.A.” MChJlarga qarashli avtomobillarga yonilg‘i quyish shoxobchasida sotilayotgan avtobenzindan namuna olingan.
Laboratoriya tahlillaridan o‘tkazilganda AI-92-markali avtobenzin davlat standart talablariga mos kelmasligi (sifatsiz) aniqlandi.
Bu kabi holat Toshkent viloyati Zangiota tumanidagi “K.T.” MChJga qarashli AYQShda ham AI-92-markali avtobenzin sifatsiz ekanligi ma’lum bo‘ldi.
Mazkur holatlar yuzasidan qoidabuzarlikka yo‘l qo‘ygan ushbu AYQShlar birja savdolarida ishtirok etishi vaqtincha to‘xtatildi.
Avvalroq “Spot” Buxoroda AI-80 benzinini ulgurchi sotib yuborgan AYQSh aniqlangani haqida yozgandi.
Holat yuzasidan qoidabuzarlikka yo‘l qo‘ygan ushbu AYQShning birja savdolarida ishtirok etishi vaqtincha to‘xtatildi.
