Toshkentdan Buxoroga “Afrosiyob” elektropoyezdining qo‘shimcha harakati yo‘lga qo‘yiladi. Bu haqda “Temiryo‘lekspress” matbout xizmati xabar bermoqda.
Yo‘lovchilarga qulaylik yaratish maqsadida tashkil etilgan 778/777-sonli “Toshkent-Buxoro-Toshkent” yo‘nalishida yuqori tezlikda poyezd harakati 30-dekabrdan boshlanadi.
Xususan, qo‘shimcha qatnovlar 30-dekabrdan boshlanib, 2025-yilning 2-yanvar kunigacha amalga oshiriladi.
Poyezd jadvali quyidagicha:
778-sonli Toshkent-Buxoro yo‘nalishi:
- Toshkent 06:03 — Buxoro 10:14;
777-sonli Buxoro-Toshkent yo‘nalishi:
- Buxoro 17:55 — Toshkent 22:08.
Avvalroq 15-dekabrdan “Afrosiyob” elektropoyezdlari qatnovi vaqti o‘zgartirilishi haqida xabar berilgandi.
Unga ko‘ra, elektropoyezdlarning ayrim shaharlarga qatnovlari vaqti ko‘chiriladi.
Shunindek, 15-dekabrdan Toshkentdan Samarqandga qo‘shimcha “Afrosiyob” poyezdi yo‘lga qo‘yilishi ma’lum qilindi.
Qatnovlar 15−31 dekabr hamda 3−12 yanvar kunlari oralig‘ida haftaning juma, shanba va yakshanba kunlari amalga oshiriladi.
