Toshkent viloyatida 2025-yildan chiqindi olib ketish tariflari oshiriladi. Bu haqda Xalq deputatlari Toshkent viloyati kengashi qarori e’lon qilindi.
Qarorga ko‘ra, 1-yanvardan fuqarolar uchun qattiq maishiy chiqindilarni olib chiqish narxi oyiga bir kishi uchun QQSsiz 7 ming so‘m, QQS bilan 7840 so‘mni tashkil etadi.
Shuningdek, budjet va xo‘jalik tashkilotlari uchun narx 1 metr kvadratga 74 ming so‘m (QQSsiz) va 82 880 so‘mni (QQS bilan) qilib belgilanmoqda.
Bundan oldin Ekologiya vazirligi to‘rtta hududda qattiq maishiy chiqindilarni yig‘ish va olib chiqish xizmatlariga haq to‘lash bo‘yicha yagona tariflar joriy etilganini ma’lum qilgandi. Qayd etilishicha, so‘nggi to‘rt yil davomida narxlar o‘zgarmagan.
| Viloyat/hudud | Aholi uchun tariflar, so‘mda | Yuridik shaxslar uchun tariflar, so‘mda |
| Toshkent, viloyati | 4400 | 61 000 (QQS bilan 68 320) |
| Samarqand shahri va tumani | 5000 | 90 000, QQS bilan |
| Samarqandning boshqa tumanlarida | 4129 | 59 693, QQS bilan |
| Farg‘ona viloyati, shaharlar | 5000 | 48 000 (QQS bilan 53 760) |
| Farg‘ona viloyati, tumanlar | 4000 | |
| Andijon viloyati | 3500 | 47 500, QQS bilan |
Avvalroq chiqindidan qarzi borlarning elektr energiyasi uchun to‘lovlari cheklanishi mumkinligi xabar berilgandi.
Quyi palata deputatlari chiqindi xizmatidan qarzi borlarning elektr energiyasi uchun to‘lovlarini cheklashni nazarda tutuvchi qonun loyihasini birinchi o‘qishda qabul qildi.
