23-dekabr kuni o‘tkazilgan onlayn auksionda jami 3,27 mlrd so‘mlik avtoraqamlar sotildi. Bu haqda respublika tovar-xom ashyo birjasi matbuot xizmati xabar berdi.
Shu kuni jismoniy va yuridik shaxslar tomonidan avtoraqam.uzex.uz savdo platformasida jami 631ta avtomobil raqami xarid qilindi. Tuzilgan bitta bitimning o‘rtacha qiymati 5,2 mln so‘m, eng arzon avtoraqam qiymati esa 1,9 mln so‘m bo‘lgan.
Birja savdolari orqali sotilgan eng qimmat “chiroyli” avtoraqam qiymati 551,3 mln so‘mni tashkil etdi. Bu ko‘rsatkich oldingi rekordga nisbatan 6,6%ga ko‘pdir.
9 oyda birja savdolarida 152 mingdan ortiq avtomobil raqamlari sotilgan bo‘lib, ularning umumiy qiymati 620 mlrd so‘mni tashkil etadi. Avtoraqamlarning 97%i jismoniy, qolgan 3%i esa yuridik shaxslar hissasiga to‘g‘ri keladi.
Eng qimmat sotilgan “chiroyli” avtoraqam qiymati 517,1 mln so‘mni tashkil etdi. Ikkinchi o‘rinda 10-iyul kuni 508 mln so‘mga sotilgan avtomobil raqami turibdi.
5-dekabr kuni o‘tkazilgan auksionda qimmat avtoraqam 470 mln so‘mdan ortiqqa sotilgandi.
