O‘zbekiston 2025-yil uchun davlat budjeti to‘g‘risidagi qonundan kelib chiqib, mamlakat hududiga xorijiy yuk avtotransport vositalarini olib kirish uchun yig‘imlar stavkalarini qayta ko‘rib chiqdi.
Turkmanistonda ro‘yxatdan o‘tkazilgan yuk mashinalarining kirishi uchun to‘lovlar oshirilmoqda. Yangi yilda bu to‘lovlar yuk mashinalarining og‘irligiga qarab quyidagicha bo‘ladi:
- 10 tonnagacha — 130 dollar (ilgari 50 dollar);
- 10 tonnadan 20 tonnagacha — $180 (ilgari $100);
- 20 tonnadan ortiq — $250 (ilgari $150).
Ozarbayjon va Yevropa Ittifoqi davlatlaridan avtotransport uchun yig‘im stavkalari O‘zbekistonda bo‘lish vaqtiga qarab farqlanadi: 14 kun va undan kam muddatga kirishda $80, ushbu muddatdan ortiq bo‘lganda $280.
Boshqa mamlakatlardan kelayotgan transport vositalari uchun to‘lovlar o‘zgarishsiz qoldi:
- Afg‘oniston uchun — $50;
- Tojikiston uchun — yuk og‘irligiga qarab $100−200;
- Qozog‘iston va Qirg‘iziston uchun — $300;
- qolgan mamlakatlar uchun — $400.
Oktabr oyida O‘zbekiston va Turkmaniston transport idoralari transport xizmatlari uchun to‘lovlarni teng va shaffof asosda olishga kelishib oldilar. Ma’lum qilinishicha, 2025-yildan boshlab milliy tashuvchilar uchun yig‘imlar tenglashtiriladi.
Shuningdek, mamlakatlar o‘rtasida ruxsatnoma blankalarini elektron almashinuv (E-Permit) tizimini joriy etish ko‘zda tutilmoqda. O‘xshash tizimlar hozirda O‘zbekiston, Turkiya va Qozog‘iston o‘rtasidagi tashishlar uchun amalda qo‘llanilmoqda.
