Energetika vazirligi bayonotiga qaramay, Toshkentda “elektrzapravkalar” o‘chirilganligicha qolmoqda
Bir nechta bozor ishtirokchilari “Spot"ga avval o‘chirilgan quvvatlantirish stansiyalarining barchasi ham tarmoqqa qayta ulanmaganini ma’lum qildi.
Yil yakuni: O‘zbekiston ko‘chmas mulk bozorida nimalar sodir bo‘ldi va 2025-yilda nimalar kutilmoqda?
“Spot” “Commonwealth Partnership” rahbari Denis Sokolov bilan birgalikda ko‘chmas mulk bozorida qanday o‘zgarishlar yuz bergani, uy-joy, ofis va omborlar narxlari qay darajada o‘zgargani, yangi yilda narxlar qanday bo‘lishi borasida suhbatlashdi.
Yil yakuni: O‘zbekistonda dollar kursiga nimalar ta’sir qildi va 2025-yil uchun prognozlar qanday?
“Spot” tahlilchilar bilan 2024-yilda so‘mning qadrsizlanishi sur’atining sekinlashishi sabablari, milliy valyuta mustahkamlanishidagi risklar hamda keyingi yilda almashuv kursiga ta’sir qiluvchi omillar borasida suhbatlashdi.
Haftaning asosiy yangiliklari
- Tadbirkorlikni qo‘llab-quvvatlash bo‘yicha jamoatchilik kengashining yangi tarkibi tasdiqlandi.
46 tadbirkor orasida Zafar Hoshimov, Jahongir Ortiqxo‘jayev, Murod Nazarov, shuningdek, “Click” va “Amirsoy” ta’sischilari bor. - 2024-yilda O‘zbekistonda inflyatsiya darajasi 9,8%ni tashkil qildi.
Dekabr oyida oziq-ovqat narxlarining o‘sishi sezilarli darajada tezlashgan bo‘lsa, sanoat tovarlarining o‘sishi sekinlashdi. - Elektrdan qarzdor tadbirkorlarni tarmoqdan uzib qo‘yishni to‘xtatish rejalashtirilmoqda.
Prezident qarzdorlikni qismlarga bo‘lib to‘lashga ruxsat berish va jarimalarni qayta ko‘rib chiqish bo‘yicha topshiriq berdi. - O‘zbekistonliklar Buyuk Britaniyaga mavsumiy qishloq xo‘jaligi ishlariga taklif etilmoqda.
Nomzodlarni ro‘yxatga olish 10-yanvar kuni o‘tkazilib, saralanganlar bilan onlayn suhbat 14−15 yanvar kunlari tashkil etiladi. - Sobiq “UNG Petro” “zapravka"larida Ai-80 benzini 8150 so‘mgacha qimmatlashdi.
Buxoro NQIZdagi barcha neft mahsulotlari, shu jumladan, benzin ham 1-yanvardan faqat birja orqali sotiladi. - Telegramda navbatdagi yangilanishlar taqdim etildi.
Xususan, kolleksiyalanadigan hadyalar, xabarlarni qidirish filtrlari, ilova ichidagi QR-kod skaneri hamda boshqa imkoniyatlar paydo bo‘ldi. - Saidazim Gulyamov “UzAuto Motors Powertrain” bosh direktori vazifasini bajaruvchi etib tayinlandi.
Ilgari Gulyamov mazkur lavozimga Bu Andersson tayinlanishidan oldin bir necha yil kompaniyaga rahbarlik qilgan. - 2024-yilda dunyodagi eng boy 500 kishi $1,5 trlnga boyidi.
Bu boylikning $600 mlrdi 8 nafar biznesmenga tegishli bo‘lib, ular qatoriga Ilon Mask, Larri Ellison, Jeff Bezos, Maykl Dell, Larri Peyj va Sergey Brin kabilar kiradi. - O‘zbekistonliklar “Work and Travel” dasturi doirasida Germaniyaga ishga taklif etilmoqda. Ish haqi — 1700 yevrogacha.
Talabalar 18−35 yosh oralig‘ida, sirtqi ta’limda o‘qiyotgan bo‘lishi hamda rus, ingliz yoki nemis tilini muloqot darajasida bilishi kerak. - Dollar kursi yana rekord darajani qayd etdi.
Amerika valyutasining so‘mga nisbatan kursi qariyb 27 so‘mga oshib, 12 942 so‘mni tashkil etdi.
