“Samsung” kompaniyasi 2025-yil yanvar oyida “Galaxy S24” smartfonlarini o‘z ichiga olgan “Galaxy Unpacked” taqdimotini o‘tkazadi. Bu haqda kompaniya rasmiy saytida ma’lum qildi.
Tadbir “Samsung” rasmiy sayti va “YouTube” kanalida jonli efirga uzatiladi. Boshlanish vaqti Moskva vaqti bilan soat 21:00 ga belgilangan.
Taqdimotda “Samsung” yangi “Galaxy S” smartfonlar liniyasini va “Galaxy AI” sun’iy intellekt funksiyalari tizimining yangilanishini taqdim etishi kutilmoqda.
“Tom's Guide” nashri, sizib chiqqan ma’lumotlarga asoslanib, kompaniya “o‘ta yupqa” “Galaxy S25 Slim” telefonini va budjet buklanuvchi “Galaxy Z Flip FE” modelini ham namoyish etishi mumkinligini istisno qilmadi.
Bundan tashqari, “Samsung” aralash reallik garniturasi ishlab chiqilishi haqidagi tafsilotlarni ham ochib berishi mumkin.
“Google” “Samsung” foydalanuvchilariga “Galaxy S25” seriyasiga oldindan buyurtma berishsa, “Gemini Advanced"dan bir yillik bepul foydalanish imkoniyatini taqdim etishi haqida xabar berilgandi.
Avvalroq “Spot” “Samsung” “Galaxy S25 Ultra” kamida $100ga qimmatlashi haqida yozgandi.
Yangi qurilma uchun komponentlar narxi “Galaxy S24 Ultra” bilan solishtirganda kamida $110ga oshishi, kompaniya qo‘shimcha xarajatlarni o‘z iste’molchilariga yuklashi mumkin.
