“Oson” to‘lov servisini boshqaruvchi “Brio Group” kompaniyasi ustav fondini oshirmoqda. Bu haqda Korporativ axborot yagona portalida ma’lum qilindi.
Buning uchun 5 mlrd so‘mlik qo‘shimcha 288 mln dona oddiy aksiyalarni chiqarish rejalashtirilgan. Chiqarish dekabr oyida Istiqbolli loyihalar milliy agentligida davlat ro‘yxatidan o‘tkazilgan va yagona aksiyadorga joylashtiriladi.
“Oson"ning ustav fondi joylashtirilgandan so‘ng 25 mlrd so‘mni tashkil etadi. Bu so‘nggi 12 oy ichida uchinchi marta o‘zgarish bo‘ldi.
2024-yilning fevral oyida kompaniya aksiyadorlik jamiyati sifatida qayta ro‘yxatdan o‘tdi va ustav kapitalini 10 mlrd so‘mdan 13 mlrd so‘mga oshirdi. Qaror 2023-yilning kuzida tasdiqlangan to‘lov xizmatlariga qo‘yiladigan talablarga muvofiq qabul qilindi.
Keyingi oshirish sentabr oyida amalga oshirildi, “Oson” 7 mlrd so‘mlik aksiyalarni chiqardi. Shundan so‘ng, uning ustav fondi 20 mlrd so‘mni tashkil etdi va to‘lov tashkilotlari uchun 2025-yil iyul oyidan boshlab amal qiladigan minimal chegaraga yetdi.
Avvalroq “Spot” “UnionPay” O‘zbekistonda onlayn to‘lov tizimlarini rivojlantirishni rejalashtirayotgani haqida yozgandi.
