AQShning saylangan prezidenti Donald Tramp o‘zining kriptovalyutasini yaratganini e’lon qildi. Bu haqda u “X” va “Truth Social” ijtimoiy tarmoqlaridagi sahifalarida yozib qoldirgan.
“Mening yangi va rasmiy Tramp memim bu yerda! Biz tarafdor bo‘lgan hamma narsani nishonlash vaqti keldi. G‘alaba! Mening maxsus Tramp hamjamiyatimga qo‘shiling. Hoziroq oling”, deya yozgan u.
19-yanvar soat 16:40 holatiga kriptovalyuta narxi $75,08gacha ko‘tarilgan. Keyinchalik barx pasayib, hozirda $63,66ni tashkil qilmoqda.
$TRUMP — Donald Trampning internet hazillari va shiorlaridan ilhom olgan kriptovalyuta — memkoin sifatida taqdim etilmoqda.
Yangi valyutaning chiqarilishi cheklangan: birinchi kundan boshlab 200 mln tanga sotib olish mumkin bo‘lib, uch yil ichida muomaladagi umumiy hajm 1 mlrdga yetadi.
Memkoinni Tramp o‘z e’lonlarida ko‘rsatgan saytda bank kartasi yoki boshqa kriptovalyuta orqali sotib olish imkoniyati mavjud.
Memkoinning shiori “Kurashing, kurashing, kurashing"dir. Bu Trampga suiqasd urinishidan so‘ng u aytgan iboraga ishora qiladi.
Reklama materiallarida $TRUMP shunchaki kriptovalyuta emas, balki barcha xohlovchilar uchun mavjud bo‘lgan “tarixning bir bo‘lagi” deb ta’riflanadi.
Avvalroq “Spot” “Time” jurnali Donald Trampni yil odami deb topgani haqida yozgandi.
U yil odami sifatida ikkinchi marotaba e’tirof etildi. Bundan oldin, siyosatchi 2016-yilda AQSh prezidentlik saylovlaridagi birinchi g‘alabasidan keyin mazkur nomni olgandi.
