“Samsung” kompaniyasi kamera o‘rnatilgan quloqchinlarni chiqarishni rejalashtirmoqda. Bu haqda “Bloomberg” Mark Gurmanga tayanib xabar berdi.
Qayd etilishicha, yangilik quloqchinlarning imkoniyatlarini kengaytirib, ovoz sifatini yaxshilashi kutilmoqda.
Shuningdek, qurilmaga oraliq qurilma yoki aqlli ko‘zoynaklarning to‘liq o‘rnini bosishga imkon beradi.
“Samsung” 2024-yil iyul oyida butunlay yangi dizaynga ega “Galaxy Buds 3” va “Buds 3 Pro” quloqchinlarini ishlab chiqardi.
Seriyada ilk bor “tomchi” shaklidan voz kechilib, an’anaviy oyoqchali tashqi ko‘rinish foydasiga o‘tildi. “Pro” modeli, shuningdek, unga o‘ziga xos ko‘rinish beradigan va raqobatchilardan ajratib turadigan yorug‘lik chizig‘i bilan jihozlandi.
Avvalroq “Samsung” va “Google” birgalikda kengaytirilgan reallik ko‘zoynagini ishlab chiqayotgani haqida xabar berilgandi.
Biroq kompaniyalar hozircha qurilmaning texnik tafsilotlari va taxminiy chiqish sanasi haqida ma’lumot bermagan.
Avvalroq “Spot” “Samsung” yangi “Galaxy S25” smartfonlarini taqdim etgani haqida yozgandi.
“Galaxy S25” narxi $799, “S25 Plus” $999, “S25 Ultra” $1299ga baholanib, sotuv 7-fevraldan boshlanadi.
