“Uzbekistan Airways” aviakompaniyasi barcha mahalliy va xalqaro yo‘nalishlarga chegirma e’lon qildi. Bu haqda aviakompaniya matbuot xizmati xabar berdi.
Chegirmalar faqat 28-yanvar kuni taqdim etilib, aviakompaniya tashkil etilganining 33 yilligi munosabati bilan amalga oshirilmoqda.
Aviachiptalarni barcha ekonom va biznes-klass tariflari uchun 30% arzonlashtirilgan narxlarda xarid qilish mumkin.
Chegirmali aviachiptalarni aviakompaniya sayti yoki ilovasi orqali, aviakompaniya agentlaridan va “Uzbekistan Airways Sales” filialidan xarid qilish mumkin.
Avvalroq “Spot” “Uzbekistan Airways” va “Silk Avia” ustun mavqega ega deb topilgani haqida yozgandi.
Ikkita kompaniya mahalliy aviatashuvlar, bundan tashqari, Uzbekistan Airways xalqaro yo‘nalishlarda yo‘lovchi, yuk va pochta tashuvlari bozorining 40%dan ortig‘ini egallaydi.
