“Green Tech Hackathon 2025” musobaqasiga arizalar qabul qilinmoqda. Bu haqda “IT Park” matbuot xizmati xabar berdi.
Unda atrof-muhit va toza texnologiyalar sohasida innovatsion yechimlar yaratadigan iste’dodli ixtirochilar ishtirok etishi mumkin.
Xakatonda barqaror rivojlanish va texnologiyalarga qiziquvchi talabalar, mutaxassislar va tadbirkorlar ishtirok eta oladi.
Tadbirda quyidagilar bo‘lib o‘tadi:
- MVPni tezkor ishlab chiqish;
- mentorlik va seminarlar;
- sohaning yetakchi mutaxassislaridan ma’ruzalar;
- yakuniy loyiha taqdimotlari va mukofotlash.
Tadbir 18−19-mart — INHA universitetida, 20-mart — Raqamli texnologiyalar vazirligida o‘tkaziladi.
Xakatonda ishtirok etishni xohlovchilar ro‘yxatdan o‘tish uchun havola orqali so‘rovnomani to‘ldirishi talab etiladi.
Avvalroq “Spot” Angel Connect xakatoniga arizalar qabul qilinayotgani haqida yozgandi.
Tadbirda 5 kishidan iborat jamoalar ishtirok etishi mumkin bo‘lib, buning uchun ro‘yxatdan o‘tish talab etiladi.
