2024-yilda “Wildberries” marketpleysida o‘zbek to‘qimachilik mahsulotlari savdosi pul ko‘rinishida 61% dan ko‘proqqa oshdi. Bu haqda kompaniya matbuot xizmati “Spot"ga ma’lum qildi.
“Wildberries” kompaniyasi O‘zbekiston to‘qimachilik mahsulotlarining xalqaro maydondagi yuqori sifati va raqobatbardoshligini ta’kidlab, ularning ommaviyligi jadal o‘sib borayotganini ma’lum qildi. Toifalar orasida mutlaq yetakchi kiyim-kechak bo‘lib, uning savdosi 39% ga oshdi. Mashhurlik bo‘yicha uchlikka, shuningdek, sport kiyimlari va ichki kiyimlar ham kirdi, sotuvlar soni 26% ga oshdi.
Rossiya, Belarus, Qozog‘iston, Armaniston va Qirg‘izistondagi xaridorlar orasida savdo hajmi bo‘yicha eng tez o‘sgan toifa qo‘l mehnati mahsulotlari (+142%) bo‘ldi.
O‘zbekistonda ishlab chiqarilgan to‘qimachilik mahsulotlari orasida tahlilchilar miqdoriy jihatdan eng ko‘p sotilgan mahsulotlarni aniqladilar: futbolkalar (+42%), pijamalar (+49%), longslivlar (+70%), polo futbolkalari (37%) va shimlar (+30%).
Eng ko‘p sotilgan mahsulotlar:
- Puxoviklar — o‘sishi 2479% ga;
- Kichkintoylar uchun jaketlar — 93,6%;
- Termovodolazkalar — 647%;
- Termo-paypoqlar — 522%;
- Bodi — 37,9%;
- Golf — 306%;
- Kichkintoylar uchun kalsonlar — 23,4%;
- Cho‘milish kostyumlari — 190% ga;
- Qo‘l mehnati uchun gazlamalar — 139%;
- Uy xalatlari — 112% ga.
O‘zbekiston to‘qimachilik mahsulotlari eksportining asosiy yo‘nalishlaridan biri Rossiya bo‘lib qolmoqda, mamlakatga yetkazib berish hajmi 63% ga oshdi. Qirg‘iziston aholisi 117% ga ko‘proq xarid qila boshladi, Belarusda talab 114% ga, Qozog‘istonda esa 108% ga oshdi.
2024-yilda O‘zbekistonda ishlab chiqarilgan “Wildberries"da sotilgan barcha mahsulotlarning 83%i to‘qimachilik mahsulotlariga to‘g‘ri keldi.
“Wildberries” mahalliy biznesni qo‘llab-quvvatlash uchun Savdo-sanoat palatasi bilan faol hamkorlik qilayotganini ma’lum qildi. Savdo-sanoat palatasi xodimlari mahalliy tadbirkorlar uchun mintaqaviy murabbiy bo‘lish uchun o‘qitilmoqda. O‘tgan yili platformada sotuvni yo‘lga qo‘yish bo‘yicha 90 dan ortiq bepul seminarlar o‘tkazildi, bu esa mahalliy mahsulotlarning boshqa mamlakatlarga eksportini rivojlantirishga hissa qo‘shdi.
O‘tgan yilda “Wildberries"da O‘zbekistondan sotilgan tovarlarning umumiy hajmi 61,3% ga oshgandi. Rossiyada oziq-ovqat mahsulotlariga, Belarus, Qozog‘iston va Qirg‘izistonda avtomobil tovarlari va kiyim-kechaklarga talab sezilarli darajada oshgan.
Avvalroq “Spot” “Wildberries” O‘zbekistonda uch yil ichida deyarli $4 mln qo‘shimcha soliq to‘lagani haqida xabar bergandi.
