2025-yilda “MTC” va “Vimpelkom” (Bilayn) 36 mingga yaqin 3G baza stansiyalarini (RES) o‘chiradi. Bu haqda “Kod Durova” kanali xabar berdi.
“Roskomnadzor"ning operatorlar ma’lumotlariga tayanib xabar berishicha, bu uchinchi avlod ishlaydigan uskunalar umumiy sonining 15%ini tashkil etadi.
Hozirda Rossiyada 240 mingta 3G stansiyasi ro‘yxatdan o‘tkazilgan bo‘lib, bu barcha uyali aloqa baza stansiyalarining 17%i hisoblanadi.
Tarmoqning bir qismi o‘chirilishiga qaramay, vakolatli idora foydalanuvchilar uchun aloqa imkoniyati saqlanib qolishini ta’kidladi.
Shuningdek, LTE uskunalari bo‘yicha hozircha chet el ishlab chiqaruvchilarining mahsulotlaridan foydalanish mumkinligi aytildi.
“MTC” 42 ta hududdagi 3G stansiyalarining 50%ini o‘chirib qo‘yishni rejalashtirmoqda, “Vimpelkom” esa 2025-yil oxirigacha 15 ta hududda 3G chastotalarini 4Gga o‘tkazadi.
“T2” (Tele2) va “Megafon” qurilmalari LTE’ni qo‘llab-quvvatlamaydigan abonentlarga kirishni ta’minlash uchun hozircha 3G tarmog‘ini saqlab qoladi.
Operatorlar chastota spektrini asta-sekin 4G tizimiga o‘tkazmoqda, ammo Rossiyada 3G texnologiyasidan butunlay voz kechish jarayoni bir necha yil davom etadi.
2023-avgustida e’lon qilingan hujjatda Rossiyada 3G tarmoqlari 2035 yilgacha aloqa sanoatini rivojlantirish strategiyasi loyihasiga ko‘ra bosqichma-bosqich o‘chirilishi belgilangandi.
2030-yilga kelib, aksariyat operatorlar 3G tarmoqlarini o‘chirib qo‘yadi — ular bo‘shatilgan radiochastota resursidan zamonaviyroq 4G va 5G uchun foydalanadi.
Raqamli rivojlanish vazirligi 2025-yilga kelib Rossiyada LTE texnologiyasidan (4G qismi) abonentlarning 81%i, 2G va 3G tarmoqlaridan esa mos ravishda 7 va 4% foydalanishini kutmoqda.
