AQSh prezidenti Donald Tramp ma’muriyati boy amerikaliklarga soliqlarni oshirmoqchi, deya xabar berdi Axios nashri.
Nashrning qayd etishicha, bu choychaqa solig‘i bekor qilingan taqdirda moliyaviy yo‘qotishlarni qoplash uchun zarur ekan. Shuningdek, qo‘shimcha qilishicha, bu masala bo‘yicha yakuniy qaror hali qabul qilinmagan.
Donald Tramp noyabr oyida AQSh prezidentligi uchun saylovoldi kampaniyasi davomida choychaqa solig‘ini bekor qilish niyati haqida bir necha bor gapirgan edi.
Inauguratsiyadan so‘ng u o‘z niyatlarini tasdiqladi. Bu soliq AQShning ayrim shtatlarida ko‘ngilochar sanoatning muhim daromad manbai hisoblanadi.
Daromadi oshirilishi mumkin bo‘lgan odamlar toifasiga amerikaliklarning atigi 2,6%i kiradi. Ta’kidlanishicha, AQSh fuqarolarining ko‘pchiligi hukumatning bunday choralarini qo‘llab-quvvatlamoqda.
Ammo Respublikachilar partiyasi va uning aksariyat a’zolari bu tashabbusga qarshi chiqmoqda. Ularning fikricha, bunday siyosat partiyaning asosiy moliyaviy homiylarini yo‘qotishga olib kelishi mumkin. Shu bois, mazkur taklif yuzasidan yakuniy qaror hali qabul qilinmagan.
Avvalroq Spot Donald Tramp avtomobillar importiga 25%lik bojlar joriy qilayotgani haqida yozgandi.
Tramp ma’muriyati bu AQShga yiliga $100 mlrd daromad keltirishini va shtatlarda avtomobil ishlab chiqarishning oshirilishini kutmoqda.
