Fransiya monopoliyaga qarshi regulyatori Apple’ga 150 mln yevro (taxminan $162 mln) miqdorida jarima soldi. Bu haqda 9to5mac nashri xabar berdi.
Jarima iOS’da App Tracking Transparency (ATT) funksiyasining juda murakkab amalga oshirilishi tufayli qo‘llanildi.
Rasmiylarning fikriga ko‘ra, bu reklama beruvchilarning manfaatlarini buzadi va ustun mavqeni suiiste’mol qilishni anglatadi.
2021-yilda joriy qilingan ATT funksiyasi ilovalardan foydalanuvchilardan boshqa ilovalar va saytlardagi harakatlarini kuzatish uchun ruxsat so‘rashini talab qiladi. Ammo ma’lum bo‘lishicha, bu so‘rovni shakllantirish shunchalik murakkab va chalkash bo‘lib chiqdiki, ko‘pchilik foydalanuvchilar shunchaki rad etishdi — natijada reklama beruvchilar ma’lumotlar va daromadlardan mahrum bo‘lishdi.
Apple xatti-harakatlari ustidan shikoyatlar ishlab chiquvchilar va reklama sanoati manfaatlarini ifodalovchi savdo uyushmalaridan kelib tushgan.
Ular, shuningdek, Apple’ning o‘rnatilgan ilovalari ushbu tizimni chetlab o‘tib, uchinchi tomon ishlab chiquvchilariga nisbatan ustunlikka ega bo‘lishi mumkinligini ta’kidladilar.
Tekshiruv natijalariga ko‘ra, Fransiya idorasi iOS’dagi xabarnomalar va ruxsatnomalar tizimi haddan tashqari murakkab va halol raqobatga to‘sqinlik qiladi degan xulosaga keldi.
Avvalroq Spot Apple sog‘liqni kuzatish uchun sun’iy intellekt funksiyalarini tayyorlayotgani haqida yozgandi.
Xizmat yangi sun’iy intellekt agenti boshqaruvi ostida ishlaydi, u ma’lum darajada haqiqiy shifokorga o‘xshash vazifalarni bajaradi.
