Qoraqalpog‘istonda tabiiy gazdan noqonuniy foydalanganlik holati fosh etildi.
Bosh prokuratura huzuridagi Departamentning Qoraqalpog‘iston Respublikasi boshqarmasi tomonidan tergovga qadar tekshiruv o‘tkazilgan.
Unda Nukus shahrida faoliyat yurituvchi “D.S.” MCHJ mas’ul shaxslari qurilishi tugallanmagan ko‘p qavatli binoda gaz tarmog‘iga to‘g‘ridan to‘g‘ri ulanib olgani aniqlangan.
Buning natijasida 1,8 mlrd so‘mlik tabiiy gazdan noqonuniy foydalanilgan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Qoraqalpog‘istonda 2,9 mlrd so‘mlik tabiiy gaz talon-toroj qilingani haqida xabar berilgandi.
Xususan, Qorao‘zak tumanidagi AGTKShda o‘lchov qurilmalariga tashqi ta’sir ko‘rsatilgani aniqlandi.
