Mirzo Ulug‘bek tumanidagi ayrim hududlarda elektr energiyasi o‘chiriladi

3-aprel kuni Toshkentning Mirzo Ulug‘bek tumanidagi ayrim hududlarda elektr ta’minoti vaqtincha o‘chiriladi. Bu haqda “Toshkent shahar elektr tarmoqlari” matbuot xizmati xabar berdi.

Xususan, quyidagi hududlardagi iste’molchilarga elektr energiyasi vaqtincha yetkazib berilmaydi:

• Sho‘rtepa, Sh.Burxonov, Podshobog‘, Katta Oltintepa, Nodirabegim hamda A.Navoiy MFYlarining ayrim hududlarida soat 09:00dan 12:00gacha.

Mazkur hududlarda ta’mirlash ishlari belgilangan vaqtdan avvalroq yakunlanishi mumkinligi qayd etilgan.

Toshkent shahar elektr tarmoqlari mazkur ta’mirlash ishlari tufayli elektr ta’minotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi iste’molchilardan uzr so‘raydi.