Toshkentning uchta tumanidagi ayrim hududlarda tabiiy gaz yetkazib berish vaqtincha to‘xtatiladi. Bu haqda Hududgaz poytaxt matbuot xizmati xabar berdi.

29-aprel kuni ta’mirlash ishlari sabab Sergeli, Yangihayot va Mirobod tumanlarining belgilangan hududlariga tabiiy gaz yetkazib berilmaydi.

Xususan:

Sergeli va Yangihayot tumanlari (11:00 dan 17:00 gacha): “Xonobod”, “Oltin vodiy” MFYlari

  • Aholi iste’molchilari soni: 1581 ta;
  • Ulgurji iste’molchilar soni: 34 ta.

Mirobod tumani (10:00 dan 17:00 gacha): “Baynalmilal”

  • Aholi iste’molchilari soni: 256 ta;
  • Mazkur hududdagi ulgurji iste’molchilar.

Ta’mirlash ishlari tugatilgandan so‘ng, tabiiy gaz ta’minoti qayta tiklanadi.

Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.